ওঁ সর্বমঙ্গলমঙ্গল্যে! শিবে! সর্বার্থসাধিকে!
শরণ্যে! ত্র্যম্বকে! গৌরী! নারায়ণি নমোহস্তুতে।।
সৃষ্টিস্থিতিবিনাশানাং শক্তিভূতে! সনাতনি।
গুণাশ্রয়ে! গুণময়ে! নারায়ণি নমোহস্তুতে।।
শরণাগতদীনার্ত-পরিত্রাণপরায়ণে!
সর্বস্যার্তিহরে! দেবি! নারায়ণি নমোহস্তুতে।।
জয়ন্তী মঙ্গলা কালী ভদ্রকালী কপালিনী।
দূর্গা শিবা ক্ষমা ধাত্রী স্বাহা স্বধা নমোহস্তুতে।।
ওঁ কালি! কালি! মহাকালি! কালিকে! পরমেশ্বরি।
সর্বানন্দকরে! দেবি! নারায়ণি নমোহস্তুতে।।