ওঁ অচ্যুতং কেশবং বিষ্ণুং হরিং সত্যং জনার্দনম্।
হংসং নারায়ণঞ্চৈব এতন্নামাষ্টকং শুভম্।।
ওঁ অখণ্ডমণ্ডলাকারং ব্যপ্তং যেন চরাচরম্।
তৎপদং দর্শিতং যেন তস্মৈ শ্রীগুরবে নমঃ।।
গুরুর্ব্রহ্মা গুরুর্বিষ্ণুর্গুরুর্দেবো মহেশ্বরঃ।
গুরুরেব পরং ব্রহ্ম তস্মৈ শ্রীগুরবে নমঃ।।
অজ্ঞানতিমিরান্ধস্য জ্ঞানাঞ্জনশলাকয়া।
চক্ষুরুন্মীলিতং যেন তস্মৈ শ্রীগুরবে নমঃ।।
ওঁ সর্বমঙ্গলমঙ্গল্যে! শিবে! সর্বার্থসাধিকে!
শরণ্যে! ত্র্যম্বকে! গৌরি! নারায়ণি নমোহস্তুতে।।
সৃষ্টিস্থিতিবিনাশানাং শক্তিভূতে! সনাতনি।
গুণাশ্রয়ে! গুণময়ে! নারায়ণি নমোহস্তুতে।।
শরণাগতদীনার্ত-পরিত্রাণপরায়ণে!
সর্বস্যার্তিহরে! দেবি! নারায়ণি নমোহস্তুতে।।
জয়ন্তী মঙ্গলা কালী ভদ্রকালী কপালিনী।
দূর্গা শিবা ক্ষমা ধাত্রী স্বাহা স্বধা নমোহস্তুতে।।
ওঁ কালি! কালি! মহাকালি! কালিকে! পরমেশ্বরি।
সর্বানন্দকরে! দেবি! নারায়ণি নমোহস্তুতে।।
ওঁ মহাদেবং মহাত্মানং মহাযোগিমহেশ্বরম্।
মহাপাপহরঁ দেবং মকারায় নমো নমঃ।।
ওঁ নমো ব্রহ্মণ্যদেবায় গো-ব্রাহ্মণহিতায় চ।
জগদ্ধিতায় কৃষ্ণায় গোবিন্দায় নমো নমঃ।।
নমস্তে জলদাভাস! নমস্তে জলশায়িনে!
নমস্তে কেশবানন্ত! বাসুদেব! নমোহস্তুতে।।
হে কৃষ্ণ! করুণাসিন্ধো! দীনবন্ধো! জগৎপতে!
গোপেশ! গোপিকাকান্ত! রাধাকান্ত! নমোহস্তুতে।। |
