Maa Taramoyee

প্রথমঃ অধ্যায়ঃ

প্রথমঃ অধ্যায়ঃ ওঁ নমশ্চণ্ডিকায়ৈ। মধু-কৈটভ বধ।
মূল	পাঠ সংকেত
(ওঁ ক্লীং) মার্কণ্ডেয় উবাচ।। ১ ওঁ সাবর্ণিঃ সূর্যোতনয়ো যো মনুঃ কথ্যতেহষ্টমঃ। নিশাময় তদুৎপত্তিং বিস্তরাদ্গদতো মম।। ২	(ওঁ ক্লীং) মার্কণ্ডেয় উবাচ।। ১ ওঁ সাবর্ণিঃ সূর্যোতনয়ঃ যঃ মনুঃ কথ্যতে অষ্টমঃ। নিশাময় তৎ উৎপত্তিং বিস্তরাৎ গদতঃ মম।। ২
মহামায়ানুভাবেন যথা মন্বন্তরাধিপঃ। স বভূব মহাভাগঃ সাবর্ণিস্তনয়ো রবেঃ। ৩	মহামায়া অনুভাবেন যথা মন্বন্তর অধিপঃ। সঃ বভূব মহাভাগঃ সাবর্ণিঃ তনয়ঃ রবেঃ। ৩
স্বারোচিষেহন্তরে পূব্বং চৈত্রবংশ-সমুদ্ভবঃ। সুরথো নাম রাজাভূৎ সমস্তে ক্ষিতিমণ্ডলে।। ৪	স্বারোচিষে অন্তরে পূবং চৈত্র-বংশ-সমুদ্ভবঃ। সুরথো নাম রাজা অভূৎ সমস্তে ক্ষিতি-মণ্ডলে।। ৪
তস্য পালয়তঃ সম্যক্‌ প্রজাঃ পুত্রানিবৌরসান্‌। বভূবুঃ শত্রবো ভূপাঃ কোলাবিধ্বংসিনস্তথা।। ৫	তস্য পালয়তঃ সম্যক্‌ প্রজাঃ পুত্রান্‌-ইব-ঔরসান্‌। বভূবুঃ শত্রবঃ ভূ-পাঃ কোলা-বিধ্বংসিনঃ তথা।। ৫
তস্য তৈরভবদ্‌ যুদ্ধমতিপ্রবল দণ্ডিনঃ। ন্যূনৈরপি স তৈর্যূর্দ্ধে কোলাবিধ্বংসিভির্জ্জিতঃ।। ৬	তস্য তৈঃ অভবৎ যুদ্ধম্‌ অতি প্রবল দণ্ডিনঃ। ন্যূনৈঃ অপি সঃ তৈঃ যূদ্ধে কোলাবিধ্বংসিভিঃ জিতঃ।। ৬
ততঃ স্বপুরমায়াতো নিজদেশাধি-পোহভবৎ। আক্রান্তঃ স মহাভাগস্তৈস্তদা প্রবলারিভিঃ।। ৭	ততঃ স্ব-পুরম্ আয়াতঃ নিজ-দেশ-অধিপঃ অভবৎ। আক্রান্তঃ স মহাভাগঃ তৈঃ তদা প্রবল-অরিভিঃ।। ৭
অমাত্যৈর্ব্বলিভির্দুস্টৈ র্দুর্ব্বলস্য দুরাত্মভিঃ। কোষো বলঞ্চাপহৃতং তত্রাপি স্বপুরে ততঃ।। ৮	অমাত্যৈঃ বলিভিঃ দুস্টৈঃ দুর্বলস্য দুরাত্মভিঃ। কোষঃ বলং চ অপহৃতং তত্র অপি স্বপুরে ততঃ।। ৮
ততো মৃগয়াব্যাজেন হৃতস্বাম্যঃ স ভূপতিঃ। একাকী হয়মারুহ্য জগাম গহনংবনম্।। ৯	ততঃ মৃগয়া-ব্যাজেন হৃত-স্বাম্যঃ সঃ ভূপতিঃ। একাকী হয়ম্ আরুহ্য জগাম গহনং বনম্।। ৯
স তত্রাশ্রমমদ্রাক্ষীদ্দ্বিজবর্য্যস্য মেধসঃ। প্রশান্ত-শ্বাপদাকীর্ণং মুনিশিষ্যোপশোভিতম্‌।। ১০	স তত্র আশ্রমম্‌ অদ্রাক্ষীৎ দ্বিজ-বর্যস্য মেধসঃ। প্রশান্ত-শ্বাপদ-আকীর্ণম্‌ মুনি-শিষ্য-উপশোভিতম্‌।। ১০
তস্থৌ কঞ্চিৎ স কালঞ্চ মুনিনা তেন সৎকৃতঃ। ইতশ্চেতশ্চ বিচরংস্তস্মিন্‌ মুনিবরাশ্রমে।। ১১	তস্থৌ কঞ্চিৎ সঃ কালং চ মুনিনা তেন সৎকৃতঃ। ইতঃ চ ইতঃ চ বিচরন্‌ তস্মিন্‌ মুনিবর-আশ্রমে।। ১১
সোহচিন্তয়ত্তদা তত্র মমত্বাকৃষ্টচেতনঃ।। ১২	সঃ অচিন্তয়ৎ তদা তত্র মমত্ব-আকৃষ্ট-চেতনঃ।। ১২
মৎপূর্ব্বৈঃ পালিতং পূর্ব্বং ময়া হীনং পুরং হি তৎ। মদ্‌ভৃত্যৈস্তৈরসদ্ধৃত্তৈর্ধর্ম্মতঃ পাল্যতে ন বা।। ১৩	মৎ-পূর্বৈঃ পালিতম্‌ পূর্বং ময়া হীনম্‌ পুরং হি তৎ। মৎভৃতৈঃ তৈ অসদ্‌-বৃত্তৈঃ ধর্মতঃ পাল্যতে ন বা।। ১৩
ন জানে স প্রধানো মে শূরহস্তী সদামদঃ। মম বৈরিবশং যাতঃ কান্‌ ভোগানুপলপ্স্যতে।। ১৪	ন জানে সঃ প্রধানঃ মে শূর-হস্তী সদা-মদঃ। মম বৈরি-বশম্‌ যাতঃ কান্‌ ভোগান্‌ উপলপ্স্যতে।। ১৪
যে মমানুগতা নিত্যং প্রসাদধনভোজনৈঃ অনুবৃত্তিং ধ্রুবং তেহদ্য কুর্ব্বন্ত্যন্যমহীভৃতাম্‌।। ১৫	যে মম আনুগতা নিত্যং প্রসাদ-ধন-ভোজনৈঃ অনুবৃত্তিং ধ্রুবং তে অদ্য কুর্বন্তি অন্য-মহীভৃতাম্‌।। ১৫
অসম্যগ্‌ ব্যয়শীলৈস্তৈঃ কুর্ব্বদ্ভি সততং ব্যয়ম্‌। সঞ্চিতঃ সোহতিদুঃখেন ক্ষয়ং কোষো গমিষ্যতি।। ১৬	অসম্যক্‌-ব্যয়শীলৈঃ তৈঃ কুর্বদ্ভিঃ সততম্‌ ব্যয়ম্‌। সঞ্চিতঃ সঃ অতি দুঃখেন ক্ষয়ম্‌ কোষঃ গমিষ্যতি।। ১৬
এতচ্চান্যচ্চ সততং চিন্তয়ামাস পার্থিবঃ। তত্র বিপ্রাশ্রমাভ্যাসে বৈশ্যমেকং দদর্শ সঃ।। ১৭	এতৎ চ অন্যৎ চ সততম্‌ চিন্তয়ামাস পার্থিবঃ। তত্র বিপ্র আশ্রম অভ্যাসে বৈশ্যম্‌ একম্‌ দদর্শ সঃ।। ১৭
স পৃষ্টস্তেন কস্ত্বং ভো হেতুশ্চাগমনেহত্র কঃ। সশোক ইব কস্মাত্ত্বং দুর্ম্মনা ইব লক্ষ্যসে।। ১৮	সঃ পৃষ্টঃ তেন কঃ ত্বম্‌ ভোঃ হেতু চ আগমনে অত্র কঃ। স-শোকঃ ইব কস্মাত্ত্বং দুর্মনাঃ ইব লক্ষ্যসে।। ১৮
ইত্যাকর্ণ্য বচস্তস্য ভূপতেঃ প্রণয়োদিতম্‌। প্রত্যুবাচ স তং বৈশ্যঃ প্রশ্রয়াবনতো নৃপম্‌।। ১৯	ইতি আকর্ণ্য বচঃ তস্য ভূপতেঃ প্রণয়-উদিতম্‌। প্রত্যুবাচ সঃ তম্‌ বৈশ্যঃ প্রশ্রয় অবনতঃ নৃপম্‌।। ১৯
বৈশ্য উবাচ।। ২০ সমাধির্নাম বৈশ্যোহহমুৎপন্নো ধনিনাং কুলে। পুত্রদারৈর্নিরস্তশ্চ ধনলোভাদসাধুভিঃ।। ২১	বৈশ্যঃ উবাচ।। ২০ সমাধিঃ নাম বৈশঃ অহম্‌ উৎপন্নঃ ধনিনাং কুলে। পুত্রদারৈঃ নিরস্তঃ চ ধনলোভাৎ অসাধুভিঃ।। ২১
বিহীনশ্চ ধনৈর্দ্দারৈঃ পুত্রৈরাদায় মে ধনম্‌। বনমভ্যাগতো দুঃখী নিরস্তশ্চাপ্তবন্ধুভিঃ।। ২২	বিহীনঃ চ ধনৈঃ দারৈঃ পুত্রৈঃ আদায় মে ধনম্‌। বনম্‌ অভ্যাগতঃ দুঃখী নিরস্তঃ চ আপ্ত-বন্ধুভিঃ।। ২২
সঃ অহম্ ন বেদ্মি পুত্রাণাং কুশলাকুশলাত্মিকাম্। প্রবৃত্তিং স্বজনানাঞ্চ দারাণাঞ্চাত্র সংস্থিতঃ।। ২৩	সোহহং ন বেদ্মি পুত্রাণাং কুশল-অকুশল-আত্মিকাম্। প্রবৃত্তিং স্ব-জনানাম্ চ দারাণাম্ চ অত্র সংস্থিতঃ।। ২৩
কিনু্ন তেষাং গৃহে ক্ষেমমক্ষেমং কিন্নু সামপ্রতম্‌। কথন্তে কিন্নু সদ্‌বৃত্তা দুর্ব্বত্তাঃ কিন্নু মে সুতাঃ।। ২৪	কিংনু তেষাম্‌ গৃহে ক্ষেমম্‌ অক্ষেমম্‌ কিংনু সামপ্রতম্‌। কথম্‌তে কিংনু সৎ-বৃত্তাঃ দুঃ-বৃত্তাঃ কিংনু মে সুতাঃ।। ২৪
রাজোবাচ।। ২৫ড় যৈর্নিরস্তো ভবাঁল্লুব্ধৈঃ পুত্রদারাদ্যিভির্ধনৈঃ। তেষু কিং ভবতঃ স্নেহমনুবধ্নাতি মানসম্‌।। ২৬	রাজা উবাচ।। ২৫ড় যৈঃ নিরস্তঃ ভবান্‌ লুব্‌ধৈঃ পুত্র-দার-আদ্যিভিঃধনৈঃ। তেষু কিং ভবতঃ স্নেহং অনুবধ্নাতি মানসম্‌।। ২৬
বৈশ্য উবাচ।। ২৭ এবমেতদ্‌ যথা প্রাহ ভবানস্মদগতং বচঃ। কিং করোমি ন বধ্‌নাতি মম নিষ্ঠুরতাং মনঃ।। ২৮	বৈশ্যঃ উবাচ।। ২৭ড় এবম্‌ এতৎ যথা প্রাহ ভবান্‌ অস্মদ্‌ গতম্‌ বচঃ। কিং করোমি ন বধ্‌নাতি মম নিষ্ঠুরতাং মনঃ।। ২৮
যৈঃ সন্ত্যজ্য পিতৃস্নেহং ধনলুব্ধৈর্নিরাকৃতঃ। পতিস্বজনহার্দ্দঞ্চ হার্দ্দি তে®ে^ব মে মনঃ।। ২৯	যৈঃ সন্ত্যজ্য পিতৃস্নেহম্‌ ধন-লুব্‌ধৈঃ নিরাকৃতঃ। পতি-স্বজন-হার্দ চ ঞ্চ হার্দি তেষু এব মে মনঃ।। ২৯
কিমেতন্নাভিজানামি জানন্নপি মহামতে। যৎ প্রেম-প্রবণং চিত্তং বিগুণে®^পি বন্ধুষু।। ৩০	কিম্‌ এতৎ ন অভিজানামি জানন্‌ অপি মহামতে। যৎ প্রেম-প্রবণম্‌ চিত্তম্‌ বি-গুণেষু অপি বন্ধুষু।। ৩০
তেষাং কৃতে মে নিঃশ্বাসাঃ দৌর্ম্মনস্যঞ্চ জায়তে। করোমি কিং যন্ন মনস্তেষ্ব প্রীতিষু নিষ্ঠুরম্‌।। ৩১	তেষাং কৃতে মে নিঃশ্বাসঃ দৌর্মনস্যং চ জায়তে। করোমি-কিম্‌ যৎ ন মনঃ তেষু অপ্রীতিষু নিষ্ঠুরম্‌।। ৩১
মার্কণ্ডেয় উবাচ।। ৩২ ততস্তৌ সহিতৌ বিপ্র তং মুনিং সমুপস্থিতৌ। সমাধির্নাম বৈশ্যোহসৌ স চ পার্থিবসত্তমঃ।। ৩৩	মার্কণ্ডেয়ঃ উবাচ।। ৩২ ততঃ তৌ সহিতৌ বিপ্র তম্‌ মুনিম সমুপস্থিতৌ। সমাধিঃ নাম বৈশ্যঃ অসৌ সঃ চ পার্থিব-সত্তমঃ।। ৩৩
কৃত্বা তু তৌ যথান্যায়ং যথার্হং তেন সংবিদম্‌। ঊপবিষ্টৌ কথাঃ কাশ্চিচ্চক্রতুর্ব্বৈশ্যপার্থিবৌ।। ৩৪	কৃত্বা তু তৌ যথ-ন্যায়ম্‌ যথা-অর্হম্‌ তেন সংবিদম্‌। উপবিষ্টৌ কথাঃ কাঃ চিৎ চক্রতুঃ বৈশ্য-পার্থিবৌ।। ৩৪
রাজোবাচ।। ৩৫ ভগবংস্ত্বামহং প্রষ্টুমিচ্ছাম্যেকং বদস্ব তৎ। দুঃখায় যন্মে মনসঃ স্বচিত্তায়ত্ততাং বিনা।। ৩৬	রাজাঃ উবাচ।। ৩৫ড় ভগবন্‌ ত্বাম্‌ অহং প্রষ্টুম্‌ ইচ্ছামি একম্‌ বদস্ব তৎ। দুঃখায় যৎ মে মনসঃ স্ব-চিত্ত-আয়ত্ততাম্ বিনা।। ৩৬
মমত্বং মম রাজস্য রাজ্যাঙ্গে®^খিলে®^পি। জানতোহপি যথাজ্ঞস্য কিমেতন্মুনিসত্তম।। ৩৭	মমত্বম্ মম-রাজস্য রাজ্য অঙ্গেষু অ^খিলেষু অপি। জানতঃ অপি যথা অজ্ঞস্য কিম্ এতৎ মুুনি সত্তম।। ৩৭
অয়ঞ্চ নিকৃতঃ পুত্রৈর্দারৈর্ভৃত্যৈস্তথোজ্ঝিতঃ। স্বজনেন চ সন্ত্যক্তস্তেষু হার্দ্দী তথাপ্যতি।। ৩৮	অয়ম্ চ নিকৃতঃ পুত্রৈঃ দারৈঃ ভৃত্যৈঃ তথা উজ্ঝিতঃ। স্বজনেন চ সন্ত্যক্তঃ তেষু হার্দী তথা অপি অতি।। ৩৮
এবমেষ তথাহঞ্চ দ্বাবপ্যত্যন্তদুঃখিতৌ। দৃষ্টদোষেহপি বিষয়ে মমত্বাকৃষ্টমানসৌ।। ৩৯	এবম্‌ এষঃ তথা অহম্‌ চ দ্বৌ অপি অত্যন্ত-দুঃখিতৌ। দৃষ্ট-দোষে-অপি বিষয়ে মমত্ব-আকৃষ্ট-মানসৌ।। ৩৯
তৎ কেনৈতন্মহাভাগ যন্মোহো জ্ঞানিনোরপি। মমাস্য চ ভবত্যেষাহবিবেকান্ধস্য মূঢ়তা।। ৪০	তৎ কেন এতৎ মহাভাগ যৎ মোহঃ জ্ঞানিনোঃ অপি। মম অস্য চ ভবতি এষা বিবেক-অন্ধস্য মূঢ়তা।। ৪০
ঋষিরুবাচ।। ৪১ জ্ঞানমস্তি সমস্তস্য জন্তোর্বিষয়গোচরে। বিষয়শ্চ মহাভাগ যাতি চৈবং পৃথক্‌ পৃথক্‌।। ৪২ড়	ঋষিঃ উবাচ।। ৪১ড় জ্ঞানম্‌ অস্তি সমস্তস্য জন্তোঃ বিষয়-গোচরে। বিষয়ঃ চ মহাভাগ যাতি চ এবং পৃথক্‌ পৃথক্‌।। ৪২
দিবান্ধাঃ প্রাণিনঃ কেচিদ্রাত্রাবন্ধাস্তথাপরে। কেচিদ্দিবা তথা রাত্রৌ প্রাণিনস্তুল্যদৃষ্টয়ঃ।। ৪৩	দিবা-অন্ধাঃ প্রাণিনঃ কেচিৎরাত্রৌ অন্ধাঃ তথা অপরে। কেচিৎ দিবা তথা রাত্রৌ প্রাণিনঃ তুল্য-দৃষ্টয়ঃ।। ৪৩
জ্ঞানিনো মনুজাঃ সত্যং কিন্তু তে ন হি কেবলম্‌। যতো হি জ্ঞানিনঃ সর্ব্বে পশুপক্ষিমৃগাদয়ঃ।। ৪৪	জ্ঞানিনঃ মনু-জাঃ সত্যম্‌ কিন্তু তে ন হি কেবলম্‌। যতঃ হি জ্ঞানিনঃ সর্বে পশু-পক্ষি-মৃগ-আদয়ঃ।। ৪৪
জ্ঞানঞ্চ তন্মনুষ্যাণাং যত্তেষাং মৃগপক্ষিণাম্‌। মনুষ্যাণাঞ্চ যত্তেষাং তুল্যমন্যৎ তথোভয়োঃ।। ৪৫	জ্ঞানম্‌ চ তৎ মনুষ্যাণাং যৎ তেষাং মৃগ পক্ষিণাম্‌। মনুষ্যাণাং চ যৎ তেষাং তুল্যং অন্যৎ তথা উভয়োঃ।। ৪৫
জ্ঞানেহপি সতি পশৈতান্‌ পতাগাঞ্ছবচঞ্চুষু। কণমোক্ষাদৃতান্‌ মোহাৎ পীড্যমানানপি ক্ষুধা।। ৪৬	জ্ঞানে অপি সতি পশ এতান্‌ পতাগান্‌ শাবচঞ্চুষু। কণ-মোক্ষ-আদৃতান্‌ মোহাৎ পীড্যমানান্‌ অপি ক্ষুধা।। ৪৬
মানুষা মনুজব্যাঘ্র সাভিলাষাঃ সুতান্‌ প্রতি। লোভাৎ প্রত্যুপকারায় ননু এতে কিম্ ন পশ্যসি।। ৪৭	মানুষাঃ মনু-জ-ব্যাঘ্র স অভিলাষাঃ সুতান্‌ প্রতি। লোভাৎ প্রত্যুপকারায় ননু এতে কিম্‌ ন পশ্যসি।। ৪৭
তথাপি মমতাবর্ত্তে মোহগর্ত্তে নিপাতিতাঃ। মহামায়াপ্রভাবেণ সংসারস্থিতিকারিণঃ।। ৪৮	তথ অপি মমতা-আবর্তে মোহ-গর্তে নিপাতিতাঃ। মহামায়া প্রভাবেণ সংসার-স্থিতি-কারিণঃ।। ৪৮
তন্নাত্র বিস্ময়ঃ কার্য্যো যোগনিদ্রা জগৎপতেঃ। মহামায়া হরেশ্চৈতত্তয়া সম্মোহ্যতে জগৎ।। ৪৯	তৎ অত্র বিস্ময়ঃ কার্য্যঃ যোগ-নিদ্রা জগৎ-পতেঃ। মহামায়া হরে চ এতৎ তয়া সম্মোহ্যতে জগৎ।। ৪৯
জ্ঞানিনামপি চেতাংসি দেবী ভগবতী হি সা। বলাদাকৃষ্য মোহায় মহামায়া প্রযচ্ছতি।। ৫০	জ্ঞানিনাম্‌ অপি চেতাংসি দেবী ভগবতী হি সা। বলাৎ আকৃষ্য মোহায় মহামায়া প্রযচ্ছতি।। ৫০
তয়া বিসৃজ্যতে বিশ্বং জগদেতচ্চরাচরম্‌। সৈষা প্রসন্না বরদা নৃণাং ভবতি মুক্তয়ে।। ৫১	তয়া বিসৃজ্যতে বিশ্বম্‌ জগৎ এতৎ চর-অচরম্‌। সা এষা প্রসন্না বর-দা নৃণাম্‌ ভবতি মুক্তয়ে।। ৫১
সা বিদ্যা পরমা মুক্তে র্হেতুভূতা সনাতনী। সংসারবন্ধহেতুশ্চ সৈব সর্ব্বেশ্বরেশ্বরী।। ৫২	সা বিদ্যা পরমা মুক্তেঃ হেতু-ভূতা সনাতনী। সংসার-বন্ধ-হেতুঃ চ সা এব সর্ব-ঈশ্বর-ঈশ্বরী।। ৫২
রাজোবাচ।। ৫৩ ভগবন্‌ কা হি সা দেবী মহামায়েতি যাং ভবান্‌। ব্রবীতি কথমুৎপন্না সা কর্ম্মাস্যাশ্চ কিং দ্বিজ।। ৫৪	রাজা উবাচ।। ৫৩ ভগবন্‌ কা হি সা দেবী মহামায়া ইতি যাং ভবান্‌। ব্রবীতি কথম্‌ উৎপন্না সা কর্ম অস্যাঃ চ কিং দ্বিজ।। ৫৪
যৎস্বভাবা চ সা দেবী যৎস্বরূপা যদুদ্ভবা। তৎ সর্ব্বং শ্রোতুমিচ্ছামি ত্বত্তো ব্রহ্মবিদাং বর।। ৫৫	যৎ-স্বভাবা চ সা দেবী যৎ-স্বরূপা যৎ-উদ্ভবা। তৎ সর্বং শ্রোতুম্‌ ইচ্ছামি ত্বত্তঃ ব্রহ্ম বিদাম্‌ বর।। ৫৫
ঋষিরুবাচ।। ৫৬ নিত্যৈব সা জগন্মূর্ত্তিস্তয়া সর্ব্বমিদং ততম্‌। তথাপি তৎ সমুৎপত্তির্ব্বহুধা শ্রূয়তাং মম।। ৫৭	ঋষিঃ উবাচ।। ৫৬ নিত্য এব সা জগৎমূর্তিঃ তয়া সর্বম্‌ ইদম্‌ ততম্‌। তথ অপি তৎ সমুৎপত্তিঃ বহুধা শ্রূয়তাং মম।। ৫৭
দেবানাং কার্য্যসিদ্ধ্যর্থমাবির্ভবতি সা যদা। উৎপন্নেতি তদা লোকে সা নিত্যাপ্যভিধীয়তে।। ৫৮	দেবানাং কার্য্য-সিদ্ধি-অর্থম্‌ আবির্ভবতি সা যদা। উদাপন্না ইতি তদা লোকে সা নিত্যা অপি অভিধীয়তে।। ৫৮
যোগনিদ্রাং যদা বিষ্ণুর্জগত্যেকার্ণবীকৃতে। আস্তীর্য্য শেষমভজৎ কল্পান্তে ভগবান্‌ প্রভুঃ।। ৫৯	যোগ-নিদ্রাম্‌ যদা বিষ্ণুঃ জগতি এক-অর্ণবীকৃতে। আস্তীর্য শেষম্‌ অভজৎ কল্পান্তে ভগবান্‌ প্রভুঃ।। ৫৯
তদা দ্বাবসুরৌ ঘোরৌ বিখ্যাতৌ মধু-কৈটভৌ। বিষ্ণুকর্ণ-মলোদ্ভূতৌ হন্তুং ব্রহ্মাণমুদ্যতৌ।। ৬০	তদা দ্বৌ অসুরৌ ঘোরৌ বিখ্যাতৌ মধু-কৈটভৌ। বিষ্ণু কর্ণমল-উদ্ভূতৌ হন্তুম্‌ ব্রহ্মাণং উদ্যতৌ।। ৬০
স নাভিকমলে বিষ্ণোঃ স্থিতো ব্রহ্মা প্রজাপতিঃ। দৃষ্টা তাবসুরৌ চোগ্রৌ প্রসুপ্তঞ্চ জনার্দ্দনম্‌।। ৬১	সঃ নাভি-কমলে বিষ্ণোঃ স্থিতঃ ব্রহ্মা প্রজাপতিঃ। দৃষ্ট্বা তৌ অসুরৌ চ উগ্রৌ প্রসুপ্তং চ জনার্দনম্‌।। ৬১
তুষ্টাব যোগনিদ্রাং তামেকাগ্রহৃদয়স্থিতঃ।। ৬২	তুষ্টাব যোগ-নিদ্রাং তাম্‌ এক-অগ্র-হৃদয়-স্থিতঃ।। ৬২
বিবোধনার্থায় হরের্হরিনেত্র-কৃতালয়াম্‌।ড় বিশ্বেশ্বরীং জগদ্ধাত্রীং স্থিতি-সংহার-কারিণীম্‌।। ৬৩	বিবোধন অর্থায় হরেঃ হরি-নেত্র-কৃত-আলয়াম্‌। বিশ্ব-ঈশ্বরী জগৎধাত্রীং স্থিতি-সংহার-কারিণীম্‌।। ৬৩
নিদ্রাং ভগবতীং বিষ্ণোরতুলাং তেজসঃ প্রভুঃ।। ৬৪	নিদ্রাং ভগবতীং বিষ্ণোঃ অতুলাং তেজসঃ প্রভুঃ।। ৬৪
ব্রহ্মোবাচ।। ৬৫ ত্বং স্বাহা ত্বং স্বধা ত্বং হি বষট্কার স্বরাত্মিকা। সুধা ত্বমক্ষরে নিত্যে ত্রিধা মাত্রাত্মিকা স্থিতা।। ৬৬	ব্রহ্মঃ উবাচ।। ৬৫ ত্বং স্বাহা ত্বং স্বধা ত্বং হি বষট্কারঃ স্বর-আত্মিকা। সুধা ত্বম্‌ অক্ষরে নিত্যে ত্রি-ধা মাত্রা-আত্মিকা স্থিতা।। ৬৬
অর্দ্ধমাত্রা স্থিতা নিত্যা যানুচ্চার্য্যা বিশেষতঃ। ত্বমেব সা ত্বং সাবিত্রী ত্বং দেবি জননী পরা।। ৬৭	অর্ধ-মাত্রা স্থিতা নিত্যা যা ন-উচ্চার্যা বিশেষতঃ। ত্বম্‌ এব সা ত্বং সাবিত্রী ত্বং দেবি জননী পরা।। ৬৭
ত্বয়ৈব ধার্য্যতে সর্ব্বং ত্বয়ৈতৎ সৃজ্যতে জগৎ।। ৬৮	তয়া এব ধার্য্যতে সর্বং তয়া এতৎ সৃজ্যতে জগৎ।। ৬৮
ত্বয়ৈতৎ পাল্যতে দেবি ত্বমৎস্যন্তে চ সর্ব্বদা।। ৬৯	তয়া এতৎ পাল্যতে দেবি ত্বম্‌ অৎসি অন্তে চ সর্বদা।। ৬৯
বিসৃষ্টৌ সৃষ্টিরূপা ত্বং স্থিতিরূপা চ পালনে।। ৭০	বিসৃষ্টৌ সৃষ্টিরূপা ত্বং স্থিতিরূপা-চ পালনে।। ৭০
তথা সংহৃতিরূপান্তে জগতোহস্য জগন্ময়ে।। ৭১	তথা সংহৃতিরূপা অন্তে জগতঃ অস্য জগৎ-ময়ে।। ৭১
মহাবিদ্যা মহামায়া মহামেধা মহাস্মৃতিঃ। মহামোহা চ ভবতী মহাদেবী মহাসুরী।। ৭২	মহা-বিদ্যা মহা-মায়া মহা-মেধা মহা-স্মৃতিঃ। মহা-মোহা চ ভবতী মহা-দেবী মহা-অসুরী।। ৭২
প্রকৃতিস্ত্বঞ্চ সর্ব্বস্য গুণত্রয়বিভাবিনী। কালরাত্রির্মহারাত্রির্মোহরাত্রিশ্চ দারুণা।। ৭৩	প্রকৃতিঃ ত্বং চ সর্বস্য গুণ-ত্রয়-বিভাবিনী। কালরাত্রিঃ মহারাত্রিঃ মোহ-রাত্রিঃ চ দারুণা।। ৭৩
ত্বং শ্রীস্ত্বমীশ্বরী ত্বং হ্রীস্ত্বং বুদ্ধির্বোধ-লক্ষণা।। ৭৪	ত্বং শ্রীঃ ত্ব্বম্‌ ঈশ্বরী ত্বং হ্রীঃ ত্বং বুদ্ধিঃ বোধলক্ষণা।। ৭৪
লজ্জা পুষ্টিস্তথা তুষ্টিস্ত্বং শান্তিঃ ক্ষান্তিরেব চ।। ৭৫	লজ্জা পুষ্টিঃ তথা তুষ্টিঃ ত্বং শান্তিঃ ক্ষান্তিঃ এব চ।। ৭৫
খড়িগনী শূলিনী ঘোরা গদিনী চক্রিণী তথা। শঙ্খিনী চাপিনী বাণ-ভূসণ্ডীপরিঘায়ুধা।। ৭৬	খড়িগনী শূলিনী ঘোরা গদিনী চক্রিণী তথা। শঙ্খিনী চাপিনী বাণ-ভূসণ্ডী-পরিঘ-আয়ুধা।। ৭৬
সৌম্যা সৌম্যতরাশেষ-সৌম্যেভ্যস্ত্বতিসুন্দরী। পরাপরাণাং পরমা ত্বমেব পরমেশ্বরী।। ৭৭	সৌম্যা সৌম্যতরা অশেষ-সৌম্যেভ্যঃ তু অতিসুন্দরী। পরা পরাণাং পরমা ত্বম্‌ এব পরম্‌ ঈশ্বরী।। ৭৭
যচ্চ কিঞ্চিৎ ক্বচিদ্‌ বস্তু সদসদ্‌ বাখিলাত্মিকে। তস্য সর্ব্বস্য যা শক্তিঃ সা ত্বং কিং সতূয়সে তদা।। ৭৮	যৎ চ কিম্‌ চিৎ ক্ব-চিৎ বস্তু সৎ অসৎ বা অখিল আত্মিকে। তস্য সর্বস্য যা শক্তিঃ সা ত্বং কিং সতূয়সে তদা।। ৭৮
যয়া ত্বয়া জগৎস্রষ্টা জগৎপাতাহত্তি যো জগৎ। সোহপি নিদ্রাবশং নীতঃ কস্ত্বাং স্তোতুমিহেশ্বরঃ।। ৭৯	যয়া ত্বয়া জগৎ-স্রষ্টা জগৎ পাতা অত্তি যো জগৎ। সঃ অপি নিদ্রা-বশং নীতঃ কঃ ত্বাং স্তোতুম্‌ ইহ ঈশ্বরঃ।। ৭৯
বিষ্ণুঃ শরীরগ্রহণমহ-মীশান এব চ। কারিতাস্তে যতোহতস্ত্বাং কঃ স্তোতুং শক্তিমান্‌ ভবেৎ।। ৮০	বিষ্ণুঃ শরীর-গ্রহণম্‌ অহম্‌ ঈশানঃ এব চ। কারিতাঃ তে যতঃ অতঃ ত্বাম্‌ কঃ স্তোতুং শক্তিমান্‌ ভবেৎ।। ৮০
সা ত্বমিত্থং প্রভাবৈঃ স্বৈ-রুদারৈর্দেবি সংস্তুতা। মোহয়ৈতৌ দুরাধর্ষাবসুরৌ মধু-কৈটভৌ।। ৮১	সা ত্বম্ ইত্থং প্রভাবৈঃ স্বৈঃ উদারৈঃ দেবি সংস্তুতা। মোহয় এতৌ দুরাধষৌ অসুরৌ মধু-কৈট ভৌ।। ৮১
প্রবোধঞ্চ জগৎস্বামী নীয়তামচ্যুতো লঘু। বোধশ্চ ক্রিয়াতামস্য হন্তুমেতৌ মহাসুরৌ।। ৮২	প্রবোধং চ জগৎ-স্বামী নীয়তাং অচ্যুতঃ লঘু। বোধঃ চ ক্রিয়তাং অস্য হন্তুম্‌ এতৌ মহা-অসুরৌ।। ৮২
ঋষিরুবাচ।। ৮৩ এবং স্তুতা তদা দেবী তামসী তত্র বেধসা।। ৮৪	ঋষিঃ উবাচ।। ৮৩ এবং স্তুতা তদা দেবী তামসী তত্র বেধসা।। ৮৪
বিষ্ণোঃ প্রবোধনার্থায় নিহন্তুং মধু-কৈটভৌ। নেত্রাস্য-নাসিকা-বাহু-হৃদয়েভ্য স্তথোরসঃ।। ৮৫	বিষ্ণোঃ প্রবোধন-অর্থায় নিহন্তুং মধু-কৈটভৌ। নেত্র-অস্য-নাসিকা-বাহু-হৃদয়েভ্যঃ তথা উরসঃ।। ৮৫
নির্গম্য দর্শনে তস্থৌ ব্রহ্মণোহব্যক্তজন্মনঃ।। ৮৬	নির্গম্য দর্শনে তস্থৌ ব্রহ্মণঃ অব্যক্ত-জন্মনঃ।। ৮৬
উত্তস্থৌ চ জগন্নাথ স্তয়া মুক্তো জনার্দ্দনঃ। একার্ণবেহহিশয়নাত্ততঃ স দদৃশে চ তৌ।। ৮৭	উত্তস্থৌ চ জগৎ-নাথঃ তয়া মুক্তঃ জন-অর্দনঃ। এক-অর্ণবে অহি শয়নাৎ ততঃ সঃ দদৃশে চ তৌ।। ৮৭
মধু-কৈটভৌ দুরাত্মানাবতিবীর্য্যপরাক্রমৌ। ক্রোধরক্তেক্ষণাবত্তুং ব্রহ্মাণং জনিতোদ্যমৌ।। ৮৮	মধু-কৈটভৌ দুরাত্মানৌ অতি-বীর্য্য পরাক্রমৌ। ক্রোধ-রক্ত-ঈক্ষণৌ অত্তুং ব্রহ্মাণম্‌ জনিত-উদ্যমৌ।। ৮৮
সমুত্থায় ততস্তাভ্যাং যুযুধে ভগবান্‌ হরিঃ। পঞ্চ বর্ষসহস্রাণি বাহুপ্রহরণো বিভুঃ।। ৮৯	সমুত্থায় ততঃ তাভ্যাং যযুধে ভগবান্‌ হরিঃ। পঞ্চ-বর্ষ-সহস্রাণি বাহু-প্রহরণঃ বিভুঃ।। ৮৯
তাবপ্যতিবলোন্মত্তৌ মহামায়া বিমোহিতৌ।। ৯০	তৌ অপি অতি-বল-উন্মত্তৌ মহামায়া-বিমোহিতৌ।। ৯০
উক্তবন্তৌ বরাহস্মত্তো ব্রিয়তামিতি কেশবম্‌।। ৯১	উক্তবন্তৌ বরঃ অস্মত্তঃ ব্রিয়তাম্‌ ইতি কেশবম্‌।। ৯১
ভগবানুবাচ।। ৯২ ভবেতামদ্য মে তুষ্টৌ মম বধ্যাবুভাবপি।। ৯৩	ভগবানুবাচ।। ৯২ ভবেতাম্‌ অদ্য মে তুষ্টৌ মম বধ্যৌ উভৌ অপি।। ৯৩
কিমন্যেন বরেণাত্র এতাবদ্ধি বৃতং মম।। ৯৪	কিম্‌ অন্যেন বরেণ আত্র এতাবৎ হি বৃতং মম।। ৯৪
ঋষিরুবাচ।। ৯৫ বঞ্চিতাভ্যামিতি তদা সর্ব্বমাপোময়ং জগৎ।। ৯৬	ঋষিঃ উবাচ।। ৯৫ বঞ্চিতাভ্যাম্‌ ইতি তদা সর্বম্‌ আপোময়ং জগৎ।। ৯৬
বিলোক্য তাভ্যাং গদিতো ভগবান্‌ কমলেক্ষণঃ।। ৯৭	বিলোক্য তাভ্যাং গদিতঃ ভগবান্‌ কমল-ঈক্ষণঃ।। ৯৭
(প্রীতৌ স্ব স্তব যুদ্ধেন শ্লাঘ্যস্ত্বং মৃতুরাবয়োঃ)। আবাং জহি ন যত্রোর্ব্বী সলিলেন পরিপতা।। ৯৮	( প্রীতৌ স্বঃ স্তব যুদ্ধেন শ্লাঘ্যঃ তং মৃতুঃ বয়োঃ )। আবাং জহি ন যত্র উর্বী সলিলেন পরিপুতা।। ৯৮
ঋষিরুবাচ।। ৯৯ তথেত্যুক্ত্বা ভগবতা শঙ্খচক্রগদাভৃতা।। ১০০	ঋষিঃ উবাচ।। ৯৯ তথা ইতি উক্ত্বা ভগবতা শঙ্খ-চক্র-গদা-ভৃতা।। ১০০
কৃত্বা চক্রেণ বৈ ছিন্নে জঘনে শিরসী তয়োঃ।। ১০১	কৃত্বা চক্রেণ বৈ ছিন্নে জঘনে শিরসী তয়োঃ।। ১০১
এবমেষা সমুৎপন্না ব্রহ্মণা সংস্তুতা স্বয়ম্ ।।১০২	এবম্ এষা সমুৎপন্না ব্রহ্মণা সংস্তুতা স্বয়ম্।।১০২
প্রভাবমস্যা দেব্যাস্তু ভূয়ঃ শৃণু বদামি তে।। ১০৩	প্রভাবম্‌ অস্যাঃ দেব্যাঃ তু ভূয়ঃ শৃণু বদামি তে।। ১০৩
ইতি মার্কণ্ডেয় পুরাণে সাবর্ণিকে মন্বন্তরে দেবীমাহাত্ম্যে মধু-কৈটভবধঃ।। ১ম অঃ।।