শ্রী শ্রীচণ্ডী
ওঁ নারায়ণং নমস্কৃত্য নরঞ্চৈব নরোত্তমম্।
দেবীং সরস্বতীঞ্চৈব ততো জয়মুদীরয়েৎ।।

মূল

পাঠ সংকেত

প্রথম চরিত্র
প্রথমচরিতস্য ব্রহ্মা ঋষির্মহাকালী দেবতা, গায়ত্রী ছন্দো নন্দা শক্তীরক্তদন্তিকা বীজমগ্নিস্তত্ত্বং,
ঋগে¦দস্বরূপং, মহাকালীপ্রীত্যর্থং জপে বিনিয়োগঃ।।
শ্রীমহাকালী ধ্যানম্।

ওঁ খড়গং চক্র-গদেষু-চাপ-পরিঘান্ শূলং ভুশুণ্ডীং শিরঃ
শঙ্খং সন্দধতীং করৈস্ত্রিনয়নাং সর্ব্বাঙ্গভূষাবৃতাম্।
নীলাশ্মদ্যুতিমাস্য-পাদদশকাং সেবে মহাকালীকাং।
যামস্তৌচ্ছয়িতে হরৌ কমলজো হন্তুং মধুং কৈটভম্।।

ওঁ খড়গং চক্র-গদা-ইষু-চাপ-পরিঘান্ শূলং ভুশুণ্ডীং শিরঃ
শঙ্খং সন্দধতীং করৈঃ ত্রি-নয়নাং সর্ব-অঙ্গ-ভূষ আবৃতাম্।
নীল-অশ্ম-দ্যুতিম্ আস্য-পাদ-দশকাং সেবে মহাকালীকাং।
যাম অস্তৌৎ শয়িতে হরৌ কমল-জঃ হন্তুং মধুং কৈটভম্।।

মধ্যম চরিত্র
মধ্যমচরিতস্য বিষ্ণুর্ঋষির্মহালক্ষ্মীর্দেবতা, উষ্ণিক্ ছন্দঃ, শাকম্ভরী শক্তির্দুর্গা বীজং,
বায়ুস্তত্ত্বং,যজুর্ব্বেদস্বরূপং মহালক্ষ্মীপ্রীত্যর্থং জপে বিনিয়োগঃ।।
শ্রীমহালক্ষ্মী ধ্যানম্।

ওঁ অক্ষস্রক্-পরশুং গদেষু-কুলিশং পদ্মং ধনুঃ কুণ্ডিকাং
দণ্ডং শক্তিমসিঞ্চ চর্ম্ম জলজং ঘন্টা সুরাভাজনম্।
শূলং পাশসুদর্শনে চ দধতীং হস্তৈঃ প্রসন্নাননাং
সেবে সৈরিভ-মর্দ্দিনীমিহ মহালক্ষ্মীং সরোজস্থিতাম্।।         

ওঁ অক্ষ স্রক্ পরশুং গদা ইষু-কুলিশং পদ্মং ধনুঃ কুণ্ডিকাং
দণ্ডং শক্তিম্ অসিং চ চর্ম জলজং ঘন্টাং সুরাভাজনম্।
শূলং পাশ-সুদর্শনে চ দধতীং হস্তৈঃ প্রবাল-প্রভাং।
সেবে সৈরিভ-মর্দিনীম্ ইহ মহালক্ষীং সরোজ স্থিতাম্।।

উত্তর চরিত্র
উত্তর চরিতস্য রুদ্র ঋষিঃ, সরস্বতী দেবতা অনুষ্টুপ্ ছন্দো ভীমা শক্তি র্ভ্রামরী বীজং,
সূর্য্যস্তত্ত্বং, সামবেদস্বরূপং, মহাসরস্বতীপ্রীত্যর্থং জপে বিনিয়োগঃ।।
শ্রীমহাসরস্বতী ধ্যানম্।

ওঁ ঘন্টা-শূল-হলানি শঙ্খ-মুসলে চক্রং ধনুঃ সায়কং
হস্তাব্জৈ র্দধতীং ঘনান্তবিলসচ্ছীতাংশু-তুল্যপ্রভাম্।
গৌরীদেহসমুদ্ভবাং ত্রিজগতামাধার ভূতাং মহা-
পূর্ব্বামত্র সরস্বতী মনুভজেচ্ছুম্ভাদি দৈত্যার্দ্দিনীম্।।   

ওঁ ঘন্টা-শূল-হলানি শঙ্খ-মুসলে চক্রং ধনুঃ সায়কং
হস্তা-অব্জৈঃ দধতীং ঘন-অন্ত-বিলসৎ-শীত-অংশু-তুল্য-প্রভাং।
গৌরী-দেহ-সমুদ্ভবাং ত্রি-জগতাম্ আধার-ভূতাং মহা-
অপূর্বাম্-অত্র সরস্বতীম্ অনুভজে শুম্ভ-আদি-দৈত্য-অর্দ্দিনীম্।।

অথ ঋষ্যাদিন্যাসঃ।।
(শিরসি) ওঁ ব্রহ্মণে ঋষয়ে নমঃ, (মুখে) ওঁ গায়ত্র্যৈ ছন্দসে নমঃ,
(হৃদি) ওঁ মহাকাল্যৈ দেবতায়ৈ নমঃ। (পুনঃ শিরসি) ওঁ বিষ্ণবে ঋষয়ে নমঃ,
(মুখে) ওঁ উষ্ণিহে ছন্দসে নমঃ, (হৃদি) ওঁ মহালক্ষ্ম্যৈ দেবতায়ৈ নমঃ।
(পুনঃ শিরসি) ওঁ রুদ্রায় ঋষয়ে নমঃ, (মুখে) ওঁ অনুষ্টুভে ছন্দসে নমঃ,
(হৃদি) ওঁ মহাসরস্বত্যৈ দেবতায়ৈ নমঃ।।