Maa Taramoyee

অথ দেবীসূক্তম্

অথ দেবীসূক্তম্ অহং রুদ্রেভিরিত্যাদিমন্ত্রস্য ব্রহ্মাদ্যা ঋষয়ো গায়ত্র্যাদীনি ছন্দাংসি, আদ্যা দেবী দেবতা, দেবীসূক্তজপে বিনিয়োগঃ।
মূল	পাঠ সংকেত
ওঁ অহং রুদ্রেভির্ব্বসুভিশ্চরাম্যহ মাদিত্যৈরুত বিশ্বদেবৈঃ। অহং মিত্রাবরুণোভা বিভর্ম্ম্যহ মিন্দ্রাগ্নী অহমশ্বিনোভা।। ১	ওঁ অহং রুদ্রেভিঃ বসুভিঃ চরামি অহং আদিত্যৈঃ উত বিশ্ব-দেবৈঃ। অহং মিত্রাবরুণা উভা বিভর্মি অহং ইন্দ্র-অগ্নী অহম অশ্বিনা উভা।। ১
অহং সোমমাহনসং বিভর্ম্ম্যহং ত্বষ্টারমুত পূষণং ভগম্। অহং দধামি দ্রবিণং হবিষ্মতে সুপ্রাব্যে যজমানায় সুন্বতে।। ২	অহং সোমম্ আহনসং বিভর্মি অহং ত্বষ্টারম উত পূষণং ভগম্। অহং দধামি দ্রবিণং হবিষ্মতে সুপ্রাব্যে যজ মানায় সুন্বতে।। ২
অহং রাষ্ট্রী সংগমনী বসূনাং চিকিতুষী প্রথমা যজ্ঞিয়ানাম্। তাং মা দেবা ব্যদধুঃ পুরুত্রা ভূরিস্থাত্রাং ভূর্য্যাবেশয়ন্তীম্।। ৩	অহং রাষ্ট্রী সংগমনী বসূনাং চিকিতুষী প্রথমা যজ্ঞিয়ানাম্। তাং মা দেবাঃ ব্যদধুঃ পুরুত্রাঃ ভূরি-স্থাত্রাং ভূরি-আবেশয়ন্তীম্।। ৩
ময়া সো অন্নমত্তি যো বিপশ্যতি যঃ প্রাণিতি য ঈং শৃণোত্যুক্তম্। অমন্তবো মাং ত উপক্ষিয়ন্তি শ্র“ধি শ্র“ত শ্রদ্ধিবং তে বদামি।। ৪	ময়া সঃ অন্নম্ অত্তি যঃ বিপশ্যতি যঃ প্রাণিতি যঃ ঈং শৃণোতি উক্তম্। অমন্তবঃ মাম্ তে উপক্ষিয়ন্তি শ্র“ধি শ্র“ত শ্রদ্ধিবং তে বদামি।। ৪
অহমেব স্বয়মিদং বদামি জুষ্টং দেবেভিরুত মানুষেভিঃ। যং কাময়ে তং তমুগ্রং কৃণোমি তং ব্রহ্মাণং তমৃষিং তং সুমেধাম্।। ৫	অহম্ এব স্বয়ং ইদম্ বদামি জুষ্টম্ দেবেভিঃ উত মানুষেভিঃ। যং কাময়ে তং তম্ উগ্রং কৃণোমি তং ব্রহ্মাণং তম্ ঋষিং তং সু-মেধাম্।। ৫
অহং রুদ্রায় ধনুরাতনোমি ব্রহ্মদ্বিষে শরবে হন্তবা উ। অহং জনায় সমদং কৃণোম্যহং দ্যাবাপৃথিবী আ বিবেশ।। ৬	অহং রুদ্রায় ধনুঃ আতনোমি ব্রহ্মদ্বিষে শরবে হন্তবৈ উ। অহং জনায় সমদং কৃণোমি অহং দ্যাবা-পৃথিবী আবিবেশ।। ৬
অহং সুবে পিতরমস্য মূর্দ্ধন্ মম যোনিরপ্ স্বন্তঃ সমুদ্রে। ততো বিতিষ্ঠে ভুবনানু বিশ্বো- তামুং দ্যাং বর্ষ্মণোপস্পৃশামি।। ৭	অহং সুবে পিতরম্ অস্য মূর্ধন্ মম যোনিঃ অপসু-অন্তঃ সমুদ্রে। ততঃ বিতিষ্ঠে ভুবনা অনু বিশ্বা উত অমুং দ্যাং বর্ষ্মণা উপস্পৃশামি।। ৭
অহমেব বাত ইব প্রবাম্যা- রভমাণা ভুবনানি বিশ্বা। পরো দিবা পর এনা পৃথিব্যৈ- তাবতী মহিনা সম্ বভূব।। ৮	অহম এব বাতঃ ইব প্রবামি আরভমাণা ভুবনানি বিশ্বা। পরঃ দিবা পরঃ এনা পৃথিব্যাঃ এতাবতী মহিনা সংবভূব।। ৮
ওঁ তৎসৎ ইতি ঋগে¦দোক্ত-দেবীসূক্তং সমাপ্তম্।