অপরাধক্ষমাপণস্তোত্র
সংকল্পসিদ্ধি প্রার্থনা |
মূল |
পাঠ সংকেত |
ওঁ যদক্ষরং পরিভ্রষ্টং মাত্রাহীনঞ্চ যদ্ভবেৎ।
পূর্ণং ভবতু তৎ সর্ব্বং ত্বৎ প্রসাদান্মহেশ্বরি।। ১ |
ওঁ যৎ অক্ষরং পরিভ্রষ্টং মাত্রা-হীনং চ যৎ ভবেৎ।
পূর্ণং ভবতু তৎ সর্বং ত্বৎ-প্রসাদাৎ মহা-ঈশ্বরি।। ১ |
যদত্র পাঠে জগদম্বিকে! ময়া,
বিসর্গ-বিন্দ্ব-ক্ষরহীনমীরিতম্।
তদস্তু সম্পূর্ণতমং প্রসাদতঃ,
সঙ্কল্পসিদ্ধিশ্চ সদৈব জায়তাম্।। ২ |
যৎ অত্র পাঠে জগৎ অম্বিকে ময়া,
বিসর্গ-বিন্দু-অক্ষর-হীনম্ ঈরিতম্।
তৎ অস্তু সম্পূর্ণতমং প্রসাদতঃ,
সঙ্কল্প-সিদ্ধিঃ চ সদা এব জায়তাম্।। ২ |
যন্মাত্রা-বিন্দু-বিন্দুদ্বিতয়-পদ-পদদ্বন্দ্ব-বর্ণাদিহীনং,
ভক্ত্যাভক্ত্যানুপূর্ব্বং প্রবচনবচনাদ্ ব্যক্তমব্যক্তমম্ব।
মোহাদজ্ঞানতো বা পঠিতম-পঠিতং,
সামপ্রতং তে স্তবেহস্মিংস্তৎ সর্ব্বং
সাঙ্গমাস্তাং ভগবতি বরদে! ত্বৎ প্রসাদাৎ প্রসীদ।। ৩ |
যৎ-মাত্রা-বিন্দু-বিন্দু-দ্বিতয়-পদ-পদ-দ্বন্দ্ব-বর্ণাদি-হীনং,
ভক্ত্যা-অভক্ত্যা অনুপূর্বং প্রবচন বচনাৎ ব্যক্তম্ অব্যক্তম্ অম্ব।
মোহাৎ অজ্ঞানতঃ বা পঠিতম্-অপঠিতং,
সামপ্রতং তে স্তবে অস্মিন্ তৎ সর্বং
স-অঙ্গম্ আস্তাং ভগবতি বর-দে ত্বৎ প্রসাদাৎ প্রসীদ।। ৩ |
প্রসীদ ভগবত্যম্ব! প্রসীদ ভক্তবৎসলে!
প্রসাদং কুরু মে দেবি! দুর্গে! দেবি! নমোহস্তু তে।। ৪ |
প্রসীদ ভগবতি অম্ব প্রসীদ ভক্ত-বৎসলে!
প্রসাদং কুরু মে দেবি দুর্গে! দেবি! নমঃ অস্তু তে।। ৪ |
যস্যার্থে পঠিতং স্তোত্রং তবেদং শঙ্করপ্রিয়ে।
তস্য দেহস্য গেহস্য শান্তির্ভবতু সর্ব্বদা।। ৫ |
যস্য-অর্থে পঠিতং স্তোত্রং তব ইদং শঙ্কর-প্রিয়ে।
তস্য দেহস্য গেহস্য শান্তিঃ ভবতু সর্বদা।। ৫ |
প্রণাম- মন্ত্র
ওঁ সর্ব্বমঙ্গল মঙ্গল্যে শিবে সর্ব্বার্থসাধিকে।
শরণ্যে ত্র্যম্বকে গৌরি নারায়ণি নমোহস্তু তে।। |
