ষষ্ঠঃ অধ্যায়ঃ
ওঁ নমশ্চণ্ডিকায়ৈ।
ধূম্রলোচন-বধ |
মূল |
পাঠ সংকেত |
ঋষিরুবাচ।। ১
ইত্যাকর্ণ বচো দেব্যাঃ স দূতোহমর্ষপূরিতঃ।
সমাচষ্ট সমাগম্য দৈত্যরাজায় বিস্তরাৎ।। ২ |
ঋষিঃ উবাচ।। ১
ইতি আকর্ণ বচঃ দেব্যাঃ সঃ দূতঃ অমর্ষ-পূরিতঃ।
সমাচষ্ট সমাগম্য দৈত্য-রাজায় বিস্তরাৎ।। ২ |
তস্য দূতস্য তদ্বাক্যমাকর্ণ্যাসুররাট্ ততঃ।
সক্রোধঃ প্রাহ দৈত্যানামধিপং ধূম্রলোচনম্।। ৩ |
তস্য দূতস্য তৎ-বাক্যম্ আকর্ণ্য অসুর রাট্ ততঃ।
স-ক্রোধঃ প্রাহ দৈত্যানাম্ অধিপং ধূম্রলোচনম্।। ৩ |
হে ধূম্রলোচনাশু ত্বং স্বসৈন্য-পরিবারিতঃ।
তামানয় বলাদ্দুষ্টাং কেশাকর্ষণ-বিহ্বলাম্।। ৪ |
হে ধূম্রলোচন আশু ত্বং স্ব-সৈন্য-পরিবারিতঃ।
তাম্ আনয় বলাৎ দুষ্টাং কেশ-আকর্ষণ-বিহ্বলাম্।। ৪ |
তৎপরিত্রাণদঃ কশ্চিদ্ যদি বোত্তিষ্ঠতেহপরঃ।
স হন্তব্যোহমরো বাপি যক্ষো গন্ধর্ব্ব এব বা।। ৫ |
তৎ-পরিত্রাণ-দঃ কঃ চিৎ যদি বা উত্তিষ্ঠতে অপরঃ।
সঃ হন্তব্যঃ অমরঃ বা অপি যক্ষঃ গন্ধর্ব এব বা।। ৫ |
ঋষিরুবাচ।। ৬
তেনাজ্ঞপ্তস্ততঃ শীঘ্রং স দৈত্যো ধূম্রলোচনঃ।
বৃতঃ ষষ্ট্যা সহস্রাণামসুরাণাং দ্রুতং যযৌ।। ৭ |
ঋষিঃ উবাচ।। ৬
তেন আজ্ঞপ্তঃ ততঃ শীঘ্রম্ সঃ দৈত্যঃ ধূম্রলোচনঃ।
বৃতঃ ষষ্ট্যা সহস্রাণাম্ অসুরাণাং দ্রুতং যযৌ।। ৭ |
স দৃষ্ট্বা তাং ততো দেবীং তুহিনাচল-সংস্থিতাম্।
জগাদোচ্চৈঃ প্রযাহীতি মূলং শুম্ভ-নিশুম্ভয়োঃ।। ৮ |
সঃ দৃষ্ট্বা তাং ততঃ দেবীং তুহিন-অচল-সংস্থিতাম্।
জগাদ উচ্চৈঃ প্রযাহি ইতি মূলং শুম্ভ-নিশুম্ভয়োঃ।। ৮ |
ন চেৎ প্রীত্যাদ্য ভবতী মদ্ভর্ত্তারমুপৈষ্যতি।
ততো বলান্নয়াম্যেষ কেশাকর্ষণবিহ্বলাম্।। ৯ |
ন চেৎ প্রীত্যা অদ্য ভবতী মৎ-ভর্তারম্ উপ-এষ্যতি।
ততঃ বলাৎ নয়ামি এষঃ কেশ-আকর্ষণ-বিহ্বলাম্।। ৯ |
দেব্যুবাচ।। ১০
দৈত্যেশ্বরেণ প্রহিতো বলবান্ বলসংবৃতঃ।
বলান্নয়সি মামেবং ততঃ কিং তে করোম্যহম্।। ১১ |
দেবী উবাচ।। ১০
দৈত্য-ঈশ্বরেণ প্রহিতঃ বলবান্ বল-সংবৃতঃ।
বলাৎ নয়সি মাম্ এবং ততঃ কিং তে করোমি অহম্।। ১১ |
ঋষিরুবাচ।। ১২
ইত্যুক্তঃ সোহভ্যধাবৎ তামসুরো ধূম্রলোচনঃ।
হুঙ্কারেণৈব তং ভস্ম সা চকারাম্বিকা ততঃ।। ১৩ |
ঋষিঃ উবাচ।। ১২
ইতি উক্তঃ সঃ অভি-অধাবৎ তাম্ অসুরঃ ধূম্রলোচনঃ।
হুঙ্কারেণ এব তং ভস্ম সা চকার অম্বিকা ততঃ।। ১৩ |
অথ ক্রুদ্ধং মহাসৈন্যমসুরাণাং তথাম্বিকাম্।
ববর্ষ সায়কৈস্তীক্ষ্ণৈস্তথা শক্তি-পরশ্বধৈঃ।। ১৪ |
অথ ক্রুদ্ধম্ মহাসৈন্যম্ অসুরাণাং তথা অম্বিকাম্।
ববর্ষ সায়কৈঃ তীক্ষ্ণৈঃ তথা শক্তি-পরশ্বধৈঃ।। ১৪ |
ততঃ ধূতসটঃ কোপাৎ কৃত্বা নাদং সুভৈরবম্।
পপাতাসুরসেনায়াং সিংহো দেব্যাঃ স্ববাহনঃ।। ১৫ |
ততঃ ধূত-সটঃ কোপাৎ কৃত্বা নাদং সু-ভৈরবম্।
পপাত অসুর-সেনায়াং সিংহঃ দেব্যাঃ সঃ বাহনঃ।। ১৫ |
কাংশ্চিৎ করপ্রহারেণ দৈত্যানাস্যেন চাপরান্।
আক্রান্ত্যা চাধরেণান্যাজ্ঞঘান সুমহাসুরান্।। ১৬ |
কান-চিৎ কর-প্রহারেণ দৈত্যান্ আস্যেন চ অপরান্।
আক্রান্ত্যা চ অধরেণ অন্যান্ জঘান্ স মহাসুরান্।। ১৬ |
কেষাঞ্চিৎ পাটয়ামাস নখৈঃ কোষ্ঠানি কেশরী।
তথা তলপ্রহারেণ শিরাংসি কৃতবান্ পৃথক্।। ১৭ |
কেষাম্ চিৎ পাটয়ামাস নখৈঃ কোষ্ঠানি কেশরী।
তথা তল-প্রহারেণ শিরাংসি কৃতবান্ পৃথক্।। ১৭ |
বিচ্ছিন্ন-বাহুশিরসঃ কৃতাস্তেন তথাপরে।
পপৌ চ রুধিরং কোষ্ঠাদন্যেষাং ধূতকেশরঃ।। ১৮ |
বিচ্ছিন্ন-বাহু-শিরসঃ কৃতাঃ তেন তথা অপরে।
পপৌ চ রুধিরং কোষ্ঠাৎ অন্যেষাং ধূত-কেশরঃ।। ১৮ |
ক্ষণেন তদ্ বলং সর্ব্বং ক্ষয়ং নীতং মহাত্মনা।ড়
তেন কেশরিণা দেব্যা বাহনেনাতিকোপিনা।। ১৯ |
ক্ষণেম তদ্-বলং সর্বং ক্ষয়ং নীতং মহাত্মনা।ড়
তেন কেশরিণা দেব্যাঃ বাহনেন অতিকোপিনা।। ১৯ |
শ্রুত্বা তমসুরং দেব্যা নিহতং ধূম্রলোচনম্।
বলঞ্চ ক্ষয়িতং কৃৎস্নং দেবীকেশরিণা ততঃ।। ২০ |
শ্রুত্বা তম্ অসুরং দেব্যা নিহতং ধূম্রলোচনম্।
বলং চ ক্ষয়িতং কৃৎস্নং দেবী-কেশরিণা ততঃ।। ২০ |
চুকোপ দৈত্যাধিপতিঃ শুম্ভঃ প্রস্ফুরিতাধরঃ।
আজ্ঞাপয়ামাস চ তৌ চণ্ডমুণ্ডৌ মহাসুরৌ।। ২১ |
চুকোপ দৈত্য-অধিপতিঃ শুম্ভঃ প্রস্ফুরিতঃ অধরঃ।
আজ্ঞা পয়ামাস চ তৌ চণ্ড-মুণ্ডৌ মহা-অসুরৌ।। ২১ |
হে চণ্ড হে মুণ্ড বলৈর্বহুলৈঃ পরিবারিতৌ।
তত্র গচ্ছত গত্বা চ সা সমানীয়তাং লঘু।। ২২ |
হে চণ্ড হে মুণ্ড বলৈঃ বহুলৈঃ পরিবারিতৌ।
তত্র গচ্ছত গত্বা চ সা সমানীয়তাং লঘু।। ২২ |
কেশেষ্বাকৃষ্য বদ্ধ্বা বা যদি বঃ সংশয়ো যুধি।
তদাশেষায়ুধৈঃ সর্ব্বৈরসুরৈর্বিনিহন্যতাম্।। ২৩ |
কেশেষু আকৃষ্য বদ্ধ্বা বা যদি বঃ সংশয়ঃ যুধি।
তদা অশেষ-আয়ুধৈঃ সর্বৈঃ অসুরৈঃ বিনিহন্যতাম্।। ২৩ |
তস্যাং হতায়াং দুষ্টায়াং সিংহে চ বিনিপাতিতে।
শীঘ্রমাগম্যতাং বদ্ধ্বা গৃহীত্বা তামথাস্মিকাম্।। ২৪ |
তস্যাং হতায়াং দুষ্টায়াং সিংহে চ বিনিপাতিতে।
শীঘ্রং আগম্যতাং বদ্ধ্বা গৃহীত্বা তাম্ অথ অম্বিকাম।। ২৪ |
ইতি মার্কণ্ডেয়পুরাণে সাবর্ণিকে মন্বন্তরে দেবীমাহাত্ম্যে
শুম্ভনিশুম্ভসেনানী-ধূম্রলোচনবধঃ।। ৬ষ্ঠ অঃ।। |
