শিব উবাচ
শৃণু দেবি প্রবক্ষ্যামি কুঞ্জিকাস্তোত্রমুত্তমম্।
যেন মন্ত্রপ্রভাবেন চণ্ডীজপশুভং ভবেৎ।। ১
কবচং নার্গলাস্তোত্রং কীলকং ন রহস্যকম্।
ন সূক্তং নাপি ধ্যানং চ ন ন্যাসং ন চ বাহর্চনম্।। ২
কুঞ্জিকাপাঠমাত্রেণ দুর্গাপাঠফলং লভেৎ।
অতি গুহ্যতরং দেবি দেবানামপি দুর্লভম্।। ৩
গোপনীয়ং প্রযত্নেন স্বযোনিবচ্চ পার্বতি।
মারণং মোহনং বশ্যং স্তম্ভনোচ্চাটনাদিকম্।। ৪
পাঠমাত্রেণ সংসিদ্ধিং কুঞ্জিকাস্তোত্রমুত্তমম্।।
অথ মন্ত্রঃ
ওঁ শ্রূং শ্রূং শ্রূং শং ফট্ ঐঁ হ্রীঁ ক্লীঁ জ্বলোজ্জ্বল-প্রজ্বল হ্রীঁ হ্রীঁ ক্লীঁ স্রাবয় স্রাবয় শাপং নাশয় নাশয় শ্রীঁ শ্রীঁ শ্রীঁ জূঁ সঃ আদয়ে স্বাহা ।।
নমস্তে রূদ্ররূপায়ৈ নমস্তে মধুমর্দিনি।
নমস্তে কৈটভারি চ নমস্তে মহিষমর্দিনি।। ১
নমস্তে শুম্ভহন্ত্রী চ নিশুম্ভাসুরপ্রান্তনী।
নমস্তে জাগ্রতে দেবি জপসিদ্ধিং কুরুষ্ব মে।। ২
ঐঁ কারীসৃষ্টিরূপায়ৈ হ্রীং কালী চ প্রপালিকা।
ক্লীঁ কালী কালরূপিণ্যৈ বীজরূপে নমোহস্তু তে।। ৩
চামুণ্ডা চণ্ডঘাতী চ যৈঁকারী বরদায়িনি।
বিচ্চেনে ভয়দা নিত্যং নমস্তে মন্ত্ররূপিণি।। ৪
ধাং ধীং ধূং ধূর্জটেঃ পত্নী বাং বীং বূং বাগীশ্বরী তথা।
ক্রাং ক্রীং ক্রূং কুঞ্জিকা দেবী শাং শীং শূং মে শুভং কুরু।।
হূং হূং হুংকাররূপায়ৈ জাং জীং জূং ভালনাদিনি।। ৫
ভ্রাং ভ্রীং ভ্রূং ভৈরবী ভদ্রে ভবান্যৈ তে নমো নমঃ।
ওঁ অং কং চং টং তং পং সাং বিদুরাং সাং বিদুরাং বিমর্দয় বিমর্দয় হং ক্ষাং ক্ষীং স্ত্রীং জীবয় জীবয় ত্রোটয় ত্রোটয় জম্ভয় জম্ভয় দীপয় দীপয় মোচয় মোচয় হূং ফট্ জাং বৌষট্ ঐঁ হ্রীঁ ক্লীঁ রঞ্জয় রঞ্জয় সংজয় সংজয় গুঞ্জয় গুঞ্জয় বন্ধয় বন্ধয় ভ্রাং ভ্রীং ভ্রূং ভৈরবি ভদ্রে সকুঞ্চ সকুঞ্চ সঞ্চল সঞ্চল ত্রোটয় ত্রোটয় ম্লীঁ স্বাহা।।
পাং পীং পূং পার্বতী পূর্ণা খাং খীং খূং খেচরী তথা।
ম্লাং ম্লীং ম্লূং মূলবিস্তীর্ণকুঞ্জিকায়ৈ নমো নমঃ।।
সাং সীং সপ্তশতী দেব্যা মন্ত্রসিদ্ধিং কুরুষ্ব মে।
ইদং তু কুঞ্জিকাস্তোত্রং মন্ত্রজাগৃতিহেতবে।
অভক্তে ন চ দাতব্যং গোপিতং রক্ষ পার্বতি।।
বিহীনাং কুঞ্জিকাদেব্যা যস্তু সপ্তশতীং পঠেৎ।
ন তস্য জায়তে সিদ্ধির্হ্যরণ্যে রোদিতং যথা।।
ইতি রুদ্রযামলে গৌরীতন্ত্রে শিবপার্বতীসংবাদে
কুঞ্জিকাস্তোত্রং সমাপ্তম্।
* কাশী হইতে প্রকাশিত শ্রীশ্রীচণ্ডীর এক সংস্করণে কুঞ্জিকাস্তোত্র-পাঠান্তে অর্গলাস্তোত্রাদি-পাঠ বিধেয়। |
